logo

ვებ-გვერდი მუშაობს სატესტო რეჟიმში

აკუმულატორი ავტომობილის ერთ-ერთი მნიშვნელოვანი დეტალია, რომელიც უზრუნველყოფს, როგორც მის გამართულ მუშაობას, ასევე მგზავრთა კომფორტულ გადაადგილებას.
ის, თუ რა ტიპის აკუმულატორი გჭირდებათ, ტრანსპორტის სახეობის გარდა სხვა მრავალ ფაქტორზეა დამოკიდებული.

- ნომინალური ძაბვა
ნომინალური ძაბვა (V)ტრანსპორტის სახეობა
6მოპედი, კვადრო, სკუტერი და ა.შ.
12მსუბუქი ავტომობილი, მოტოციკლი
24სატვირთო ავტომობილი, სპეც-ტექნიკა


- სასტარტო სიმძლავრე (CCA - Cold Cranking Amps) და ქოქვის სიმძლავრე (CA - Cranking Amps)

  • CCA -სიმძლავრის მოცულობა ამპერებში, რომელსაც აკუმულატორი გამოიმუშავებს სასტარტო ქოქვისას -18° ტემპერატურაზე.
  • CA - სიმძლავრის მოცულობა ამპერებში, რომელსაც აკუმულატორი გამომიმუშავებს დაქოქილ მდგომარეობაში - 0° ტემპერატურაზე.
  • ეს პარამეტრები აკუმულატორზე სხვადასხვანაირად აღინიშნება:
    SAE - აშშ-ის ტექნიკური სტანდარტის ნიშანი.
    EN - ევროპული ტექნიკური სტანდარტის ნიშანი.

    - სარეზერვო მოცულობა გამოხატული წუთებში (RMC - Reserve capacity minutes)
    გამოხატავს აკუმულატორის შესაძლებლობას გამოიმუშაოს 25 ამპერი სიმძლავრე (27 °C), სანამ მისი ძაბვა 10.5 ვოლტის ქვემოთ დაეცემა.


    აკუმულატორის სახეობები
    ______________________________________

    სტანდარტული - ტყვია-მჟავური აკუმულატორი
    ყველაზე ფართოდ გავრცელებული აკუმულატორის ტიპი, რომელიც გამოიყენება თითქმის ყველა კატეგრიის ტრანსპორტში. მისი ძირითად უპირატრესობები ფართო ასორტიმენტი და ხელმისაწვდომი ფასია.

    EFB - გაუმჯობესებული ტყვია-მჟავური აკუმულატორი (enhanced flooded battery)
    • სრულად განმუხტვის შემთხვევაში ენერგიის 100%-ით აღდგენის შესაძლებლობა, განსხვავებით სტანდარტული ტყვია-მჟავური აკუმულატორებისაგან, რომლებიც ყოველი მომდევნო დამუხტვის დროს კარგავენ რესურსს.
    • დიდ ტემპერატურულ გარემო პირობებში მუშაობის რესურსი -50-დან +60 °C.
    • დაახლოებით 3-ჯერ გაუმჯობესებული გამშვები ძალა.
    • თხევადი ელექტროლიტის აორთქლება ფაქტიურად განულებულია.
    • გაორმაგებული დამუხტვა-განმუხტვის ციკლთა რაოდენობა, ფუნქციონირების გაუარესების გარეშე.


    AGM - მინაბოჭკოვანი ტექნოლოგია (Absorbent Glass Mat)*
    თითოეული ტყვიის ფირფიტა შემოსაზღვრულია მინაბოჭკოვანი მასალით, რაც უზრუნველყოფს მუშაობის X3 რესურსს, ვიბრაციის მიმართ მდგრადობას და გამოიყენება ისეთი ავტომობილებისათვის, რომელთაც სტარტ/სტოპ და ზოგადად რთული ელექტროსისტემა აქვს.

    • აკუმულატორების ეს ტიპი არ საჭიროებს დამატებით სერვისს.
    • გააჩნია დიდი გამშვები ძალა. სტანდარტული ტყვია-მჟავური აკუმულატორებისაგან განსხვავებით ეს მაჩვენებელი 50-75%-ით მაღალია, რაც განსაკთრებით მნიშვნელოვანი ფაქტორია ავტომობილის ქოქვისას ცივ და მკაცრ კლიმატურ პირობებში.
    • აქვს რესურსი დაიმუხტოს 100%-ით 200-ჯერ ნულიდან.
    • შესაძლებელია ტრანსპორტირება და ექსპლუატაცია ნებისმიერ მდგომარეობაში.
    • აქვს 5-12 წლამდე მუშაობის რესურსი (სწორი ექსპლუატაციის პირობებში).
    • ნეიტრალურია გარემო მაღალი ტემპერატურის მიმართ.
    *გასათვალისწინებელი ფაქტორები:
    • გაზრდილი წონა.
    • დასამუხტად საჭიროა სპეციალური მოწყობილობა.
    • დიდი ფასი.
    • არ შეიძლება იმ ავტომობილებში გამოყენება, რომელიც არაა აღჭურვილი გადატვირთვის სენსორით.